Отан қорғаушылар күніне арналған спорттық жарысы
05.05.2016 жылы ҚАЕУ колледж оқытушылары арасында Отан қорғаушылар күніне арналған спорттық жарысы өткізілді. Жарысқа «Болашақ» және «Дружба» атты 2 команда қатысты. Жарыс бағдарламасына «Эстафеталық таяқшамен жүгіру», «Корзина», «Скакалка және теннис ракеткасымен жүгіру», «Ең мерген ойыншы» және де басқа әр түрлі ойындар енгізілді. Жарыс қатысушылары және жанкүйерлер позитивті энергия мен жақсы көңіл-күй алды.
Сайыс-саптық шеру
04.05.2017 жылы ҚАЕУ колледжінде Ұлы Отан соғысының 72 жылдығына және Қазақстан Республикасы Қарулы Күштері құрылғанының 25 жылдығына арналған сайыс-саптық шеру өтті. Cайыстың бағдарламасында көрсетілгені: Взвод бойынша салтанатты маршпен жүріп өту. Взводтың сапта ән орындау қабілеті. Қарусыз сапта іс-қимылдар жасау. Взвод командирлер сайысы. Саптық шеру байқауына 1 курс студенттері қатысты. Сайыс барысында 9 взводтың барлық қатысушылары эмоционалдық тұрақтылықпен әрбір сыннан өтіп, автоматты шашып, жинауда жылдамдықпен, тапқылық тұрғысынан өздерін жақсы жағынан көрсетті. Жүлделі орындар төмендегідей болды: І орын – 16НО-к1 тобының взводы, ІІ орын – 16СО-к1 тобының взводы, ІІІ орын – 1П-к1 тобының взводы. Командирлер арасында оза шыққан 16ПД-р3 тобының студенті Шарыпов […]
«Тілдарын-2017» олимпиадасы
«Алаш» қозғалысының 100 жылдығына орай «Алаштың ақ жолы» айлығы аясында 2017 жылғы 28 сәуірде үш тілді жетік меңгерген жастар арасында «Тілдарын» атты облыстық олимпиада өтті. Олимпиадаға 18-22 жас аралығындағы аудан, қалалардың жастары қатысты. Олар өздерінің үш тілді жетік меңгеретіндіктерін, сөйлеу шеберліктерінің жоғары екендіктерін көрсете алды. Қатысушылар көркем сөйлейтіндерін көрсету, эссе жазу, мәтінге ілеспе аударма жасау үш кезеңдерінен өтті. 1 кезең – қазақ тілін білу, 2 кезең – ағылшын тілі, 3 кезең – орыс тілін білу. Әділ қазылар қорытындысы бойынша ҚАЕУ колледжі «Бастауыш білім беру» мамандығының студенті, «Тілдарын» қалалық олимпиадасының бас жүлде иегері Серікқалиқызы Жанна 1-орынға ие болып, Дипломмен марапатталды.
«Жасыл елім — 2017» атты экологиялық акция
2016 жылдың 21 сәуірінде Сол жағалаудағы мұражай кешенінде ШҚО-ның қоршаған ортасын қорғауға бағытталған «Жасыл елім — 2017» атты экологиялық акция өтті. Шараның ұйымдастырушысы – «Кругозор» туризм мәдениеті Жастар орталығы. ҚАЕУ колледжінің студенттері мен оқытушылары мұражай кешенін тазартып, жас ағаштар отырғызып, игі іс жасап қайтты.
Ағылшын тілінің практикасы
КАЕУ колледжінің студенттеріне тағы да Кейтлин Хайдпен (АҚШ) қызықты ойындар, пайдалы сабақтар, ағылшын тілінің практикасы 2017 жылдың cәуірдің 13, 20-сы күндері өтті. Кейтлин Хайдтың кәсіптік шеберлігі мен тәжірибесін пайдалана отырып, колледж студенттері ағылшын тіліне қызықты саяхат жасады.
Ағылшын тілінен облыстық олимпиада қорытындысы
18.04.2017 жылы ҚАЕУ колледжінде ағылшын тілінен «The Harder You Learn English the Easier You Understand the World» тақырыбында 1-курс білім алушылары арасында облыстық олимпиада өтті. Олимпиадаға облыстың 15 колледжінен білім алушылар қатысты. Облыстық олимпиада үш турдан тұрды: 1 тур — Testing in Lexics and Grammar; 2 тур – Listening, Reading; 3 тур — Speaking. Облыстық олимпиада қорытындысы бойынша жүлделі орындар төмендегідей болды: Жүлделі орындар Студенттің аты- жөні Оқу орнының атауы І орын Эльдербаев Темирлан Өскемен медициналық колледжі ІІ орын Рахым Думан Геологиялық барлау колледжі ІІІ орын Байтұрсынова Назерке Шығыс Қазақстан гуманитарлық колледжі Номинация жеңімпаздары: «The Best Grammar» — Романюк Виолетта […]
Arduino жобасы бойынша дәріс
2017 жылдың 12 сәуір күні «Ақпараттық жүйелер» мамандығының студенттері Arduino жобасы бойынша Джон Гарнейдің (АҚШ) дәрісін тыңдады. Дәріс беруші бағдарламалық қамтамасыз ету мүмкіндіктері жайында «Ақпараттық жүйелер» мамандығының студенттерін қызықтыра алды. Колледж білім алушылары танымды және пайдалы ақпаратты қызығушылықпен тыңдай отырып, салмақты сауал қойып, өз ойларымен бөлісті.
«Тілдарын» қалалық олимпиадасының бас жүлде иегері
2017 жылдың 12 сәуірінде Өскемен қаласының мәдениет және тілдерді дамыту бөлімінің ұйымдастыруымен «Тілдарын» қалалық олимпиадасы өтті. Олимпиада 18-22 жас аралығындағы қазақ, орыс және ағылшын тілдерін жетік меңгерген жастар арасында өткізілді. ҚАЕУ колледжі «Бастауыш білім беру» мамандығының студенті Серікқалиқызы Жанна қалалық олимпиадаға қатысып, тілді меңгеру дағдыларын жоғары деңгейде көрсетіп, үш кезеңнің нәтижесі бойынша бас жүлде иегері атанып, облыстық кезеңге жолдама алды.
Республикалық пікір-сайыс турнирі
2017 жылдың 8-9 сәуір күндері Алматы қаласы Қазақ мемлекеттік педагогикалық университеті А. Байтұрсынұлының 145-жылдығы және Ректор кубогына арналған Республикалық «ҚызПУ CUP ΙΙΙ» пікір-сайыс турнирі өтті. Қазақстан-Американдық еркін университеті колледжінің тәжірибелі пікір-сайысшылары аталған турнирге қатысып мықты, жүйелі ойын көрсетіп, оқу орны беделін Республика пікір-сайысшылары арасында нығайтты. Еміл Әли, Айынкір Бақболсын, Идаятұлы Кәшап, Асылғазы Алтынай көшбасшылық пен шешендік қасиеттерін көрсетті. Студеттерді осындай іс-шараларға тарту мол тәжірибе жинауға, жаңа достар тауып, пікір-сайысшылар турнирлерге қатысу географиясын кеңейтеді.
Халықаралық серіктестік шеңберіндегі кездесу
2017 жылдың 7 сәуірінде ҚАЕУ колледжінде Сібір университетінің тұтыну кооперация колледжінің оқытушыларымен кездесу өтті. Колледж әкімшілігі кездесу барысында әріптестерді 2016 – 2017 оқу жылына арналған колледждің Кешенді даму жоспары, 2016 – 2019 жылдарға арналған колледждің даму Бағдарламасы, білім беру және тәрбие жұмысы процессінің сапа мониторингі Бағдарламаларымен таныстырып өтті. Келген қонақтарға «Дизайн» мамандығы студенттерінің шығармашылық жобаларының көрмесі көрсетілді.
