Талапкерлер үшін өткізілген ашық есік күні
3.10.2017 жылы ҚАЕУ колледжінде КММ «№ 3 Жаңа-Бұхтарма орта мектебінің» оқушыларына «Ашық есік» күні өтті. Болашақ талапкерлерге бәсекеге қабілетті мамандық иесі болудағы, оған қол жеткізу үшін оқу орынды дұрыс таңдау аса маңызды екенін ескере отырып, жеткілікті ақпарат беру мақсатында мектеп оқушыларына арналған шара өткізілді. Шара барысында ҚАЕУ колледжінің қазіргі таңдағы сұраныстармен талаптарға сай барлық қажеттіліктермен қамтамасыз етілгендігі жөнінде деректі фильм көрсетіле отырып, білім алушыларға жан-жақты мәліметтер берілді. Сондай-ақ колледждің өзін өзі басқару комитетінің ұйымдастыруымен колледждің өнерлі, талантты студенттерінің концерттік бағдарламасы ұсынылды.
Арнайы пәндер бойынша тәжірибелік сабақтар
2017 жылы қарашаның 2-сінде А.С. Пушкин атындағы облыстық кітапханасының шығармашылық шеберханасында ҚАЕУ колледжінің «Ақпараттық жүйелер» мамандығының студенттеріне «Операциялық жүйелер», «Алгоритмдеу және бағдарламалау негіздері» пәндері бойынша тәжірибелік сабақтар өтті. Кітапхананың IT-бағдарламашылары Delphi ортасында Рhotoshop, Рhotoshop 3D modeling қолданба, жаңа тәсілдерді құру және әзірлеу-графикалық материалдармен әзірлеу және құру құрал-саймандармен бөлісті.
Әлеуметтік серіктестермен кездесу
2017 жылы 31-қазан күні Қазақстан-Американдық еркін университеті колледжінің «Қаржы» мамандығының білім алушылары «1С-Рейтинг» компаниясының өкілдерімен кездесті. Компания менеджері біздің студенттердің барлық сурақтарына жауап бере отырып, аталған компанияда жұмысқа орналасу мақсатында іс-тәжірибеден өтуге болатын мүмкіндіктер жайында сөз қозғады.
«XX ғ. 30-40 жылдарында Қазақстанда латын қарпінде жарық көрген басылымдардан» ретро-көрме
2017 жылы 26 қазан күні «Негізгі орта білім беру» мамандығының студенттері А.С. Пушкин атындағы кітапханада Семей қаласындағы Абай атындағы кітапхананың сирек қорында сақталған өткен ғасырда латын қарпінде басылып шыққан газет-журналдар көрмесіне барып қайтты. Көрмеде латын қарпіндегі Абайдың «Қара сөздері», С. Мұқанов, Б. Майлин, С. Сейфуллин, Ж. Жабаев, Н. Гогольдің шығармалары, «Лениншіл жас», «Екпінді Алтай», «Түрксіб» газеттері, «Әдебиет майданы», «Комсомол пропагандисі» журналдары, сондай-ақ, татар тіліндегі кітаптар ұсынылған. Абай атындағы кітапхананың мамандары көрмеде ұсынылған әдебиеттерге шолу жасап, бөлісті. Болашақ мұғалімдер кітаптардың тарихы, олардың қолданылуы және сақталуы туралы пайдалы ақпараттармен таныс болды.
Мәңгілікпен танысу
2017 жылы қазанның 21-інде ҚАЕУ колледжінің оқытушылары Б.М. Макаримов және В.А. Ким жетекшілігімен «Рухани жаңғыру» бағдарламасын негізге ала отырып, Ақбауыр тарихи ескерткішіне саяхат жасап қайтты. «Негізгі орта білім беру» мамандығының студенттеріне Бакытжан Маратович тарихи ескеркіштер орналасқан жерде тасқа салынған суреттердің түрлерін жай ғана көрсетіп қоймай, олардың пайда болу туралы тарихи деректермен терең таныстырды. Студенттерге ескерткішке көп тамаша суреттер мен естелік ретінде ұзақ жылдарға қалатын жақсы әсер қалды.
Облыстық «My PRO» мамандықтар фестивалі
«Рухани жаңғыру» қоғамдық сананы жаңғырту бағдарламасын жүзеге асыру аясында жастар арасында жұмысшы мамандықтарын насихаттау мақсатында ағымдағы жылдың 16-18 қазан аралығында 7-11-сынып оқушыларына арналған «My PRO» мамандықтар фестивалі өтті. Арнайы алаңдарда қатысушылар Шығыс Қазақстан облыс колледждерінің ең үздік маман иелерімен танысып, өздерін «Құрылыс жұмыстарының шебері», «Мұғалім», «Омарташы», «Дәнекерлеуші», «Парикмахер-модельер», «Медбике», «Техник-электрик», «Аспазшы», «Тракторист-машинист», «Туризм», «Экономика», «Көлік», «Әртіс» және тағы басқа мамандарының орнында көре алды. ҚАЕУ колледжінің студенттері «Туризм» мамандығының біздің өңірде танымал мамандықтарының бірі екенін көрсете отырып, оқушыларды қызықтыра алды.
Практиканттар жәрмеңкесі
2017 жылы 16 қазан күні ҚАЕУ колледж студенттері жұмыс берушілердің қатысуымен өткен «Іс-тәжірибеден өтушілердің жәрмеңкесінде» болып қайтты. Іс-тәжірибе базаларымен қамтамасыз ету бойынша келесі кәсіпорындармен келісім шарт жасалынды: «Аударма ісі» мамандығы бойынша білім алып жүрген студенттеріне — «BEST» тіл үйрету орталығы, «Ақпараттық жүйелер» мамандығының студенттері үшін — «1С-Рейтинг» ЖШС, «Тамақтануды ұйымдастыру» мамандығы бойынша білім алып жүрген студенттеріне — «Пицца-Блюз» ЖШС фирмасы.
Ұлылар еліне саяхат
11.10.2017 жылы «Негізгі орта білім» мамандығының студенттері ҚАЕУ колледжінің оқытушылары Н.Н. Самарханова, К.К. Сеилханова және Б.М. Макаримовтың жетекшілігімен «Рухани жаңғыру» бағдарламасын негізге ала отырып Абай еліне саяхат жасап қайтты. Саяхаттың мақсаты болашақ мұғалімдерге ұлылардың ұлы мұрасын таныту, қоршаған әлеммен таныстыра отырып рухани толығу болды. Саяхат барысында Абай елінің киелі жерлеріне барып, ұлыларға тағзым етілді. Абай атамыздың шежіресімен, Шәкәрім Құдайбердіұлы мен Мұхтар Әуезовтың өмірімен терең танысып, көп дүниені көзбен көріп, үлкен ой түйіп қайтты. Ұлылар еліне жасалған бұл саяхаттың студенттерге берері өте мол. Болашақ мұғалім мамандығының студенттері пайдалы мағлұматтар мен алған әсерлері үшін ризашылықтарын білдірді.
ШҚО-да Жастар мәслихатының құрамын анықтады
2017 жылдың 29 қыркүйегінде Жастар мәслихатының депутаттығына үміткерлеріне дауыс беру өтті. ШҚО бойынша 384 Жастар мәслихатының депутаттары іріктелді: 113 үміткер — қалалық жергілікті мекеннен, ал 271 — аудандық жергілікті мекеннен . Жастар мәслихаты жастар мәселесіне қатысты өзекті сұрақтарды көтере отырып , оның шешімін табуды қалалық және аудандық басқару биліктеріне қарастыруға айқын деректерді ұсынуды жүзеге асырады. Үміткерлер арасынан көп дауыс жинап, депутаттық куәлігіне ие болған ҚАЕУ колледжінің студенттері Халилов Равиль, Токтажанова Нургуль мен Жотабаева Зұлфияның жеңістері ерекше қуантатын жәй.
«Туған жер» жобасы аясында «Ашық диктант» акциясы
2017 жылы 15 қыркүйек күні ҚАЕУ колледж студенттері А.С. Пушкин атындағы облыстық кітапханада өткен патриоттық және білім беру бағытындағы «Күнге қол созған алып» / «Тянущийся к солнцу исполин» тақырыбында Ашық диктант акциясына қатысты. Дәстүрлі акция мемлекеттік тілде сауаттылық пен жазу мәдениетін дамытуға бағытталған. Отыз қатысушыдан сегізі диктантта бір де қате жібермей жазды, ол — студенттердің мемлекеттік тілді жоғары деңгейде меңгергендерінің белгісі. ҚАЕУ колледжі «Орта білім беру» мамандығының студенті Федотова Анжелика алғыс хатымен марапатталды. Колледж әдіскері Роза Капановна Таскимбаеваға акцияны ұйымдастыруға белсенді қатысқаны үшін және диктант жазғаны үшін сертификат берілді.
