Өрт-тактикалық оқу-жаттығулар өткізу туралы
2023 жылғы 7 қараша күні ҚАЕУ Жоғарғы колледжінің базасында ШҚО ТЖД Өскемен қаласы гарнизонының өртке қарсы қызмет бөлімшелерінің ұйымдастыруымен өрт-тактикалық оқу-жаттығулар өткізілді. Жаттығулар барысында өрт сөндірушілер студенттер мен колледж қызметкерлерін ғимараттан эвакуациялауға дайындық деңгейін тексеру жұмыстарын жүргізді, қатысушылардың негізгі күштер мен құралдар келгенге дейін ықтимал өртті жоюды ұйымдастыру жөніндегі іс-қимылдары үйлестірілді.
БОЛАШАҚҚА – БІРГЕ!
2018 жылы «БИПЭК АВТО Қазақстан» ЖШС ҚАЕУ колледжімен серіктестік туралы Меморандумға қол қойылды. Меморандумның алғышарттары басымдықтардың жүзеге асырылуы бағытында колледж бен компания арасындағы өзара тиімді, ұзақмерзімді дамыту және серіктестік қарым-қатынас орнату болып табылады. Қазақстан Республикасының ғылым және білім беру Мемлекеттік бағдарламасын жүзеге асыру, еңбек нарығында сұранысқа ие бәсекеге қабілетті мамандар дайындау, елдің ең жоғары зиялыларын қалыптастыру, сапалы білім беруде тиімді серіктестікті үйлестіру – Қазақстан Республикасының Президенті Н.Ә. Назарбаев белгілеген алғышарттар. Қазіргі уақытта «БИПЭК АВТО Қазақстан» ЖШС «БИПЭК: Жаңарту» бағдарламасы аясында ҚАЕУ колледжінің « Менеджмент» және «Туризм» мамандығының 4 студенттері сынақ мерзімінен өтуде. Бірнеше апта ішінде олар өздерін еңбекқор, тәртіпті және […]
Әлеуметтік серіктестермен өзара ынтымақтастық
2017 жылы 12 қазан күні ҚАЕУ колледжінде «Бастауыш білім беру» мамандығының 3-4 курс студенттерімен «Балалар университеті» білім жобасының басшысы А. В. Ахаевпен кездесу өтті. Жобаның мақсаты балаларды ғылымға жақындату, олардың әлемді тануға қызығушылығын арттыру болды. Кездесу барысында болашақ муғалімдер өздерінің кәсіби қызығушылығын танытып, берілген пайдалы ақпараттар үшін өз алғыстарын білдірді.
Ұлылар еліне саяхат
11.10.2017 жылы «Негізгі орта білім» мамандығының студенттері ҚАЕУ колледжінің оқытушылары Н.Н. Самарханова, К.К. Сеилханова және Б.М. Макаримовтың жетекшілігімен «Рухани жаңғыру» бағдарламасын негізге ала отырып Абай еліне саяхат жасап қайтты. Саяхаттың мақсаты болашақ мұғалімдерге ұлылардың ұлы мұрасын таныту, қоршаған әлеммен таныстыра отырып рухани толығу болды. Саяхат барысында Абай елінің киелі жерлеріне барып, ұлыларға тағзым етілді. Абай атамыздың шежіресімен, Шәкәрім Құдайбердіұлы мен Мұхтар Әуезовтың өмірімен терең танысып, көп дүниені көзбен көріп, үлкен ой түйіп қайтты. Ұлылар еліне жасалған бұл саяхаттың студенттерге берері өте мол. Болашақ мұғалім мамандығының студенттері пайдалы мағлұматтар мен алған әсерлері үшін ризашылықтарын білдірді.
ШҚО-да Жастар мәслихатының құрамын анықтады
2017 жылдың 29 қыркүйегінде Жастар мәслихатының депутаттығына үміткерлеріне дауыс беру өтті. ШҚО бойынша 384 Жастар мәслихатының депутаттары іріктелді: 113 үміткер — қалалық жергілікті мекеннен, ал 271 — аудандық жергілікті мекеннен . Жастар мәслихаты жастар мәселесіне қатысты өзекті сұрақтарды көтере отырып , оның шешімін табуды қалалық және аудандық басқару биліктеріне қарастыруға айқын деректерді ұсынуды жүзеге асырады. Үміткерлер арасынан көп дауыс жинап, депутаттық куәлігіне ие болған ҚАЕУ колледжінің студенттері Халилов Равиль, Токтажанова Нургуль мен Жотабаева Зұлфияның жеңістері ерекше қуантатын жәй.
Carolyn Johnsonмен ұйымдастырылған кездесу туралы
19.09.2017 жылы Colorado штаты Aurora қаласынан келген Carolyn Johnsonның ҚАЕУ колледжі «Бастауыш білім беру» және «Аударма ісі» мамандықтарының студенттерімен кездесу өтті. Оқытушылар Кабдуалиев Рамиль Еркынович пен Carolyn Johnson қос сабақтың барысында «Team teaching» оқыту әдісін таңдап, колледж білім алушыларына оқытуды жетілдіру мақсатында қалай өткізуге болатынын көрсете білді. Осындай сабақтың инновациялық өткізу форматы студенттерді басқа тілдер ортасына жақындатып, барлық студенттер ағылшын тілін жетік меңгеруге қызығушылықтарын білдірді.
«Туған жер» жобасы аясында «Ашық диктант» акциясы
2017 жылы 15 қыркүйек күні ҚАЕУ колледж студенттері А.С. Пушкин атындағы облыстық кітапханада өткен патриоттық және білім беру бағытындағы «Күнге қол созған алып» / «Тянущийся к солнцу исполин» тақырыбында Ашық диктант акциясына қатысты. Дәстүрлі акция мемлекеттік тілде сауаттылық пен жазу мәдениетін дамытуға бағытталған. Отыз қатысушыдан сегізі диктантта бір де қате жібермей жазды, ол — студенттердің мемлекеттік тілді жоғары деңгейде меңгергендерінің белгісі. ҚАЕУ колледжі «Орта білім беру» мамандығының студенті Федотова Анжелика алғыс хатымен марапатталды. Колледж әдіскері Роза Капановна Таскимбаеваға акцияны ұйымдастыруға белсенді қатысқаны үшін және диктант жазғаны үшін сертификат берілді.
«Final CAP ΙΙ» қалалық пікір-сайысшылар турнирі
14.05.2017 жылы Қазақстан-Американдық еркін университет колледжінде «Final CAP ΙΙ» атты қалалық пікір-сайысшылар турниріне ҚАЕУ колледжі, Өскемен медициналық колледжі, Шығыс Қазақстан ауыл шаруашылық колледжі, Өскемен политехникалық колледжі С. Аманжолов атындағы ШҚМУ, Д. Серікбаев атындағы ШҚМТУ-дан 16 фракция қатысты. Турнир қорытындысы бойынша ҚАЕУ колледжі «Алаш ұрпақтары» интеллектуалды дебат клубы студенттері Марат Нұргүл бірінші орын, Айінкір Бақболсын мен Еміл Әли екінші орын алған, Идаятулы Кашап төртінші орынға тұрақтады. Турнирдің «Үздік спикері» Д. Серікбаев атындағы ШҚМТУ студенті Манапбай Әділ атанды.
Облыстық фестиваль «Тәлімгер-Вожатый Fest»
2017 жылдың 12 мамыр күні ҚАЕУ колледжінің студенттері «Тәлімгер Вожатый Fest» облыстық фестиваль сайысына қатысты. «Балалардың және жасөспірімдердің жазғы демалыс кундерін тиімді ұйымдастыру мен сауықтыру» мақсатында өткен нақты шарада жоғарғы оқу орындары мен колледждің педагогикалық мамандығы бойынша білім алушылары бақ сынасты. Фестиваль бағдарламасы бойынша сайыс 4 түрлі кезеңнен тұрды, осы талаптар бойынша қатысушылар өздерінің дайындап келген мерекелік шараларынан үзінді көрсетті. Болашақ оқытушылар фестиваль тақырыбына сай интелектуалдық, шығармашылық қабілеттерімен бірге креативтік көзқараспен командалық бірліктерімен әділқазы алқасының көңілін таба білді.
«Голос свободы» шешендер сайысы
2017 жылы 12 мамыр күні ҚАЕУ колледж студенттері А.С. Пушкин атындағы кітапханасының конференц-залында жастар арасында өткізілген «Голос свободы» шешендер сайысына қатысты. Сайыс республикалық мәдени жобаның «Үштілділік тұғырлылық» негізінде және «Алаш» қозғалысының 100 жылдығы шеңберінде өткен «Одна страна — одна книга» атты акциямен көркемделді. Біздің сайыскерлер Бақаева Ботагөз, Адилбекова Айсулу, Омарова Асыл, Тулегенова Улжан өз мүмкіндіктерімен таланттарын көрсетіп қана қоймай, сөйлеу мәнерінің, тіл шеберлігінің жаңа бағыттарынан сабақ ала білді, сондай-ақ нақты шараға қатысқаны үшін сертификат иегерлері атанды. Колледж оқытушылары Таскимбаева Роза Капановна және Нұғыманова Гауһар Ержанқызы сайыскерлердің шараға үздік дайындығы үшін алғыс хаттарымен марапатталды.
