Гэри Сопер жүргізген «Cooking» шеберлік сабағы
2016 жылдың қыркүйектің 20-сы мен қазанның 11-і жұлдызы аралығында ағылшын тілінен білім деңгейін жоғарлату және кәсіптік оқыту саласында ынтымақтастық орнату мақсатында тағам пісіру технологиясы бойынша шеберлік сабақтарды сертификатталған ағылшын тілі оқытушысы Гэри Сопер (АҚШ) жүргізді. Студенттерге итальяндық сорпа, «Chicken Fajitas» мексикалық тағамы, шоколад түйірлері және жержаңғақ майы араласқан печенье, жүгері жармасынан жасалған нан дайындау технологиясы көрсетілді. Білім алушылар түрлі елдердің аспаздығына айқын қызығушылық танытты. Осындай шеберлік сабақтарды ҚАЕУ колледжінің студенттеріне Гэри Сопер екі жыл бойы өткізіп жүргенін айта кеткен жөн.
«Мәңгілік ел» атты пікір-сайыс турнирі өтті
2016 жылдың қазанның тоғызыншы жұлдызында Өскемен қаласы әкімдігінің «Жастар орталығы» қолдауымен «Мәңгілік ел» атты жаңадан келген пікір-сайысшылар арасында Американдық-парламенттік форматта мемлекеттік тілінде қалалық турнир өтті. Пікір-сайыс турниріне С. Аманжолов атындағы ШҚМУ, Д. Серікбаев атындағы ШҚМТУ, Өскемен медициналық колледжі және ҚАЕУ колледжінің студенттері қатысты. ҚАЕУ колледжі «Aлаш ұрпақтары» дебат клубынан «Смайл», «Айта берсін», «Егіз лебіз», «2 панда», «Сөз найза», «Өскелең» фракциялары қатысып, жақсы ойын көрсетті. Турнир нәтижесінде I-орынды «Ине» фракциясы, II-орынды «Махаббат қызық мол жылдар» фракциясы, III-орынды «Абзал жандар» фракциясы иеленді. Турнирдің «Үздік спикері» атағын Аманбек Нұрсултан Д. Серікбаев атындағы ШҚМТУ «Еркін сөз» клубы «Ой ордасы» фракциясының мүшесі жеңіп алды.
ҚАЕУ Президентімен ұйымдастырылған кездесу
05.10.2016 жылы Қазақстан-Американдық еркін университетінің конференц-залында колледж студенттерімен ҚАЕУ Президенті, ҚР ҰҒА Академигі Е.А. Мамбетказиев және шетел серіктестері: вице-президент Даниэл Бэлласт, Маршалл Кристенсен – ҚАЕУ қамқорлық қоры ұйымының төрағасы, «Co-Serve International» президенті , Кэтлин Хайд – ағылшын тілі бойынша білікті оқытушы (АҚШ), Keysight Technologies Inc. компаниясының жетекші инженері (АҚШ) Коннер Маккеймен кездесу өтті. Кездесу барысында оқу орынның студенттер тарапына көрсетілетін білім берудегі ерекшеліктермен, бәсекеге қабілетті маман даярлаудағы жасалып отырған мүмкіндіктер туралы толық ақпарат берілді. Сондай-ақ жастар ұйымының студенттері колледж өміріндегі, өзін-өзі басқару орталықтарының қызметімен, әр түрлі клубтар жұмыстарымен таныстырып өтті. Студенттер арасында өз талантымен, спорттық жетістігімен көзге түскен студенттерге де […]
Вероника Маккеймен ұйымдастырылған кездесу туралы
04.10.2016 жылы ағылшын клубының аясында Америка Құрама Штаттары, Колорадо, Денверден келген Вероника Маккеймен кездесу өтті. 2-3 курс студенттеріне күні бойы Колорадодан келген қонақпен әңгімелесу өте қызық болды. Вероника тіл меңгерудің қызықты жолдарын ұсынды. Барлық студенттер ағылшын тілін жетік меңгеруге, шығармашылығын, эрудициясын дамытуға көмектесетін және дене белсенділігін дамытуға мүмкіндік беретін әртүрлі ойындарға қатысты. Студенттерге Вероникамен әңгімелесіп, күліп, секіріп, билеп уақыт өткізу өте қызықты болды. Пайдалы және көңілді уақыт өткізгендері үшін қоштасқанда бір-бірлеріне алғыстарын білдірді.
«Туристік старттар» эстафетасы туралы
2016 жылдың 27 қыркүйек күні ҚАЕУ колледжінде «Туризм» мамандығы бойынша студенттер арасында туризм куніне арналған «Туристік старттар» эстафетасы өтті. Туристік эстафетаның мақсаты болып, туристік-спорттық қызмет бойынша дағдыларын, білімдерін, меңгеру қабілеттерін бекіту, ойын түрінде туристік құрал-жабдықтардың элементарлы заттарымен таныстыру. Эстафетаның маңызы «Туризм» мамандығы бойынша 15Т-р1 топтың қатысуымен болды. Жеңімпаз «Ақбарыс» командасы болды.
Дүниежүзілік туризм күні
2016 жылы 27 қыркүйек күні Дүниежүзілік туризм күніне арналған «Жас турист» клубы қатысушылар арасында туристік–спорттық сайыс өтті. Сайыс студенттердің туристік-спорттық дайындықтарын дамыту, туризм нұсқаушысы маманының дағдысын қалыптастыру мақсатында өткізілді. Төрешілер құрамында — ҚАЕУ колледжінің Вице-президенті, директоры Кикина М.И., «Радуга» балалар мен жасөспірімдер клубының оқытушысы Ростовцева О. В., колледж тәрбие ісі жөніндегі орынбасары Амангелдина С.А., медицина қызметкері Паньшина Н.М. Сайыс 5 турдан тұрды, «Young tourists» және «Dangerous» командалары арасында өтті. Турлардың ішіндегі «Спелеотур», «Велотур», «Гранд-тур» қызықты өтті. «Young tourists» командасы жеңімпаз болып атанды. Мерекелік күнді студенттердің туристік әндері, флешмоб және «Туризм күні» деп жазылған шарларды ұшыруы әсерлі өткізді. «Жас турист» клубына […]
Кэтлин Хайдпен ұйымдастырылған кездесулер туралы
2016 жылдың қыркүйек айынан бастап ағылшын тілі клубы аясында әр дүйсенбі сайын «Бастауыш білім беру» және «Аударма ісі» мамандықтарының 1-3 курс студенттерінің сертификатталған ағылшын тілі пәнінің оқытушысы — Кэтлин Хайдпен (фонд «Co-Serve International» Портленд, Орегон, АҚШ) кездесулер өткізіледі. Кездесулердің еркін түрде өтуі ағылшын тілінде еркін сөйлеуге, ой-өрісін жан-жақты кеңейтуге мүмкіндік береді. Сабақтардың тақырыптары ауқымды — қарапайым жаттығулардан әртүрлі ұғымдарды талқылауға дейін. Кэтлиннің сабақтары Қазақстанда жалпы адамзаттық құндылықтарды қалыптастыруға, ағылшын тілін пайдалана отырып, өз білімдерін жетілдіруге, практикалық тапсырмаларды шығармашылық тұрғыдан орындауға, ауызша және жазбаша сөйлеуге негізделген. Студенттер бұл кездесулерге қуана-қуана қатысып, асыға күтеді. Әртүрлі білім беру бағдарламаларын ұсынатын Кэтлиннің сабақтарына студенттер […]
«Денсаулық күні — 2016» атты спорттық мерекелік іс-шара туралы
2016 жылдың қыркүйектің 24 жұлдызында ҚАЕУ колледжінің бірінші курс студенттері арасында «Денсаулық күні — 2016» атты спорттық мерекелік іс-шара өтті. Спорттық жарыс келесі кезеңдерден тұрды: орнынан ұзындыққа секіру, жеңіл атлетикалық эстафета, арқан тарту, кермеде тартылу, арқаға жатып дене көтеру. Іс-шараға бірінші курстың 10 тобы қатысты. Үздік топтар: 16П-р1, 16П-к1,16Ф-к1,16СО-к1. Студенттер спорттық жарыста шыдамдылықты, қызығушылықты және күш-жігерлерін танытты.
«ҚАЕУ жетістіктерінің тарихы» туралы
20.09.2016-23.09.2016 жылы колледж бірінші курс студенттер арасында «ҚАЕУ жетістіктерінің тарихы» атты шара өтті. ҚАЕУ студенттері оқу орнының құрылуы, оның даму тарихы және халықаралық серіктестік негізінде салтанатты ашылу шарасына Қазақстан Республикасының Президенті Н.Ә. Назарбаевтың қатысқандығы туралы ақпарат берілді. Студенттерге ҚАЕУ оқу орнының шетел серіктестерімен жұмыс жүргізу ерекшеліктері, соның ішінде АҚШ, Канада, Европа мемлекеттеріндегі іс-тәжірибеден өту бағдарламаларымен жургізілген жұмыстар туралы фильм көрсетілді. Дарынды балаларды қолдау оқу орнының негізгі мақсаттарының бірі екендігі де аталып өтті. Қазақстан Республикасы бойынша ҚАЕУ үздік оқу орындарының алдыңғы қатарда келе жатқандығы дәлелді материалдармен жан–жақты түсіндірілді.
«Мен отбасындағы зорлық-зомбылыққа қарсымын!»
20.09. — 21.09.2016 жылы ҚАЕУ колледжінде «Мен отбасындағы зорлық-зомбылыққа қарсымын!» атты іс-шара өткізілді. Колледждің «Бастауыш білім», «Құқықтану», «Әлеуметтік жұмыс» мамандығында оқып жүрген студенттер қатысты. Іс-шараның мақсаты: агрессия ұғымын түсіндіру, жеткіншек кезеңдегі зорлық-зомбылық ерекшеліктерін талдау, студенттердің зорлық-зомбылық туралы мағлұмат беру, адамның ең жаман қасиеті екенін айту. Адамның ең басты құндылығы оның бостандығы жайлы және оны қорғау мәселесі бойынша студенттерге кеңес берілді. Колледж психологі Баженова Н.К. мен арнайы пәндер оқытушысы А.С. Кыдырханова. студенттерге слайдттар мен бейнероликтер көрсете отырып, пікір талас жүргізіп, іс-шараны жоғары деңгейде өткізді.
