«Дене тәрбиесі және спорт» мамандығының студенттері арасында «Мен спортты таңдаймын!» атты педагогикалық шеберлік байқауы
2023 жылғы 12 желтоқсан күні Қазақстан-Американдық еркін университетінің спорт залы базасында «Дене тәрбиесі және спорт» мамандығының студенттері арасында «Мен спортты таңдаймын!» атты педагогикалық шеберлік байқауы өтті. Байқаудың мақсаты — ТжКБ жүйесінің оқу орындарында «Дене тәрбиесі және спорт» мамандығы бойынша оқитын бәсекеге қабілетті талантты студенттерді анықтау және көтермелеу. 5 кезеңнен тұратын байқау барысында командалар визит карточкасын ұсынды, сабақ жоспарын (сабақтың КМЖ) әзірледі, дене шынықтыру бойынша оқу сабағының негізгі бөлігінің фрагментін өткізу дағдыларын көрсетті, спорттық-бұқаралық іс-шараның элементі ретінде аэробты-би фрагментін (флешмоб) көрсетті, «Көңілді старттар» спорттық эстафетасын өткізді. Байқау қорытындысы бойынша келесі жүлделі орындар анықталды: І орын – «Абай қырандары» командасы (Абай атындағы Шығыс Қазақстан гуманитарлық […]
«Үздік педагогикалық эссе» байқауына қатысу
2023 жылдың 22 қыркүйек күні ҚАЕУ Жоғарғы колледжінің орыс тілі мен әдебиеті пәнінің оқытушысы Ева Александровна Рогозина Ұстаздар күніне және Абай атындағы Шығыс Қазақстан гуманитарлық колледжінің 100 жылдық мерейтойына орай облыстық «Үздік педагогикалық эссе» байқауына қатысты. Ева Александровнаны құттықтаймыз!
«Физика-химиялық КВН» атты облыстық байқауына қатысу
2022 жылдың 23 желтоқсан күні «Химиктер-Алхимиктер» ҚАЕУ Жоғарғы колледжінің командасы Өскемен жоғары политехникалық колледжінің 70 жылдығына арналған «Физика-химиялық КВН» атты облыстық байқауына қатысты. Ойын техникалық және кәсіптік білім беру жүйесінің оқу орындарының командалары арасындағы 5 байқаудан тұрып, жарыс түрінде өткізілді. Жауапты оқытушылар: Манарбекова Г.С., Маралбаева Н.Е. Колледж командасын «Әртістік» номинациясындағы жеңісі үшін құттықтаймыз!
Компьютерлік графика бойынша кәсіптік шеберлік конкурсы
2019 жылдың 22 ақпан күні Резанов Николай мен Карыпжанова Диана компьютерлік графика бойынша өткен қалалық кәсіптік шеберлік конкурсына ҚАЕУ колледжінен «D&IS» командасын ұсынды. Конкурс 2 кезеңнен ашық командалық жарыс түрінде өткізілді. Соңынан командалар әзірленген графикалық композициясының презентациясын ашық түрде қорғады. Конкурс қорытындысы бойынша «D&IS» командасы III дәрежелі дипломмен марапатталды. Құттықтаймыз!
«Болашақ Заңгер-2018» атты облыстық конкурс
2018 жылдың 28 қараша күні «Рухани жаңғыру» бағдарламасы аясындағы «Білікті маман» жобасының жүзеге асыру шеңберінде ШҚО бойынша КжТББ жүйесіндегі оқу орындарының білім алушылары арасында ҚАЕУ колледжінде «Болашақ Заңгер-2018» атты облыстық конкурс өтті. Конкурсқа облыстың 3 колледж командалары қатысты. Облыстық конкурс төрт кезеңнен тұрып, мемлекеттік және орыс тілдерінде өтті. Қорытындысы бойынша командалардың жүлделі орындары төмендегідей болды: Жүлделі орындар Оқу орнының атауы І орын Қазақстан-Американдық еркін университетінің колледжі ІІ орын Сәрсен Аманжолов атындағы ШҚМУ, Жоғары колледж ІІІ орын Құмаш Нұргалиев атындағы колледж Ең белсенді болашақ заңгерлер «Үздік теориялық білімі бойынша», «Үздік заңгер-кеңесші», «Үздік спикер», «Үздік практик» номинациялары бойынша мадақтамалармен марапатталды.
«Болашақ заңгер» атты облыстық конкурс
2018 жылдың 28 ақпан күні «Рухани жаңғыру» бағдарламасы аясындағы «Білікті маман» жобасының жүзеге асыру шеңберінде ШҚО әкімі аппаратының «Достық үйі – қоғамдық келісім орталығының» КММ қолдауымен ШҚО бойынша КжТББ жүйесіндегі оқу орындарының білім алушылары арасында «Болашақ Заңгер» атты облыстық конкурс өтті. Конкурсқа облыстың 4 колледжінің білім алушылары қатысты. Облыстық конкурс үш кезеңнен тұрып, мемлекеттік және орыс тілдерінде өтті, қорытындысы бойынша жүлделі орындар төмендегідей болды: Жүлделі орындар Студенттің аты- жөні Оқу орнының атауы Бас жүлде Хайбуллина Дина «Innovation college» мекемесі І орын Марат Нұргүл Қазақстан-Американдық еркін университетінің колледжі ІІ орын Кыстаубаева Асель С. Аманжолов атындағы ШҚМУ, Жоғары колледж ІІІ орын Максимова […]
«Голос свободы» шешендер сайысы
2017 жылы 12 мамыр күні ҚАЕУ колледж студенттері А.С. Пушкин атындағы кітапханасының конференц-залында жастар арасында өткізілген «Голос свободы» шешендер сайысына қатысты. Сайыс республикалық мәдени жобаның «Үштілділік тұғырлылық» негізінде және «Алаш» қозғалысының 100 жылдығы шеңберінде өткен «Одна страна — одна книга» атты акциямен көркемделді. Біздің сайыскерлер Бақаева Ботагөз, Адилбекова Айсулу, Омарова Асыл, Тулегенова Улжан өз мүмкіндіктерімен таланттарын көрсетіп қана қоймай, сөйлеу мәнерінің, тіл шеберлігінің жаңа бағыттарынан сабақ ала білді, сондай-ақ нақты шараға қатысқаны үшін сертификат иегерлері атанды. Колледж оқытушылары Таскимбаева Роза Капановна және Нұғыманова Гауһар Ержанқызы сайыскерлердің шараға үздік дайындығы үшін алғыс хаттарымен марапатталды.
Сайыс-саптық шеру
04.05.2017 жылы ҚАЕУ колледжінде Ұлы Отан соғысының 72 жылдығына және Қазақстан Республикасы Қарулы Күштері құрылғанының 25 жылдығына арналған сайыс-саптық шеру өтті. Cайыстың бағдарламасында көрсетілгені: Взвод бойынша салтанатты маршпен жүріп өту. Взводтың сапта ән орындау қабілеті. Қарусыз сапта іс-қимылдар жасау. Взвод командирлер сайысы. Саптық шеру байқауына 1 курс студенттері қатысты. Сайыс барысында 9 взводтың барлық қатысушылары эмоционалдық тұрақтылықпен әрбір сыннан өтіп, автоматты шашып, жинауда жылдамдықпен, тапқылық тұрғысынан өздерін жақсы жағынан көрсетті. Жүлделі орындар төмендегідей болды: І орын – 16НО-к1 тобының взводы, ІІ орын – 16СО-к1 тобының взводы, ІІІ орын – 1П-к1 тобының взводы. Командирлер арасында оза шыққан 16ПД-р3 тобының студенті Шарыпов […]
«Ұлы дала елі — Мәңгілік ел» атты облыстық жазба ақындар мүшәйрасы
2017 жылдың 30 наурызында Семей қаласындағы «Көлік колледжі» КМҚК-нің ұйымдастыруымен колледж студенттері арасында «Ұлы дала елі — Мәңгілік ел» атты облыстық жазба ақындар мүшәйрасы өтті. Шараға қатысуға ниет білдірген талапкерлер қатарынан 18 колледжден келген үміткерлер болды. Жалпы 27 студент қатысқан ақындар сайысында ҚАЕУ колледжінің студенттері топ жарып, «үздік» атанды. Мүшәйра қорытындысы бойынша 16СО-к1 тобында оқитын 1 курс студенті Ержанова Аида 1-орын (жетекшісі – Самарханова Н.Н.), 15Т-к1 тобындағы 2-курс студенті Айынкір Бақболсын 2-орынды иеленіп (жетекшісі – Сеилханова К.К.), 1-ші және 2-ші дәрежелі Дипломдармен марапатталды
«Жігіт сұлтаны-2017» қалалық сайысы
Шығыс Қазақстан облысының жоғарғы оқу орындар мен техникалық кәсіптік білім беру орындарында Өскемен қаласының ішкі саясат бөлімінің ұйымдастыруымен «Жігіт сұлтаны-2017» қалалық сайысы өтті. Сайысқа 17 оқу орнынан үміткерлер қатысты, сайыс 4 сатыдан тұрды: «Сал-серілер салтанаты» би жарысы, «Бәйге» интелектуалдық сайысы, «Сегіз қырлы бір сырлы» өнер сайысы, «Біздің жігіттер керемет жігіттер» спорттық сайысы, «Іскерлік стиль» іскерлік келбет сайысы. ҚАЕУ колледж студенті Қадырбеков Раджан осы бес кезеңнен суырылып шығып, жүлделі 1-орынды «Өнерпаз жігіт» номинациясымен жеңіп алды.
