Жас пікірсайысшылар жетістігі
2017 жылы 11 – 12 қараша күндері Семей қаласында «Шәкәрім атындағы мемлекеттік университет қолдауымен және «Пікір — сайыс клубтары қоғамдық бірлестігі» ұйымдастыруымен Мұхтар Әуезовтың туғанына 120 жыл толуы аясында «Бастау — 2017» Республикалық жас пікір-сайысшылар турниріне «Алаш ұрпақтары» дебат клубы мүшелері Амантаева Есенгүл, Бекмуханбетова Мөлдір, Сексенбай Жанерке, Еміл Әли, Сәрсенбаева Жанбота, Мухаметрахимова Дильназ, Әбілмажинова Ақбота, Сейтқазықызы Аяужан, Нұрланбекқызы Марипа, Өмірәлі Абзал, Идаятұлы Кәшап, Иханова Еркежан қатысып, жақсы ойын өрнегін көрсетіп, 4–орында Өмірәлі Абзал, Амантаева Есенгүл тұрақталды.
«Туған өлкенің қасиетті жерлері» атты конференцияға қатысу
«Рухани жаңғыру» бағдарламасын жүзеге асыру аясында 2017 жылдың 13 қарашасында облыстық тарихи-өлкетану мұражайында өткен «Туған өлкенің қасиетті жерлері» атты ғылыми тәжірибелік конференцияға ҚАЕУ қолледжінің студенттері қатысты. Конференцияға белсенді қатысқандары үшін Нурлыбекова Диана, Бердхан Аманжол, Аманбаева Айым, Еміл Әли, Әнуарбеков Мәди, Қайназарова Мөлдір, Қаныбекұлы Еламан, Тынышбекова Ақбота, Асқарқызы Жансая сертификаттар ұсынылды. Студенттерді дайындағаны үшін ғылыми жетекшілері Сегизбаева Ж.Б., Макаримов Б.М., Елеусизова А.Р. алғыс хаттармен марапатталды.
Мүмкіндігі шектелген балаларға қайырымдылық шарасы
ҚАЕУ колледжінің студенттік өзін-өзі басқару комитетінің жастары 2017 жылдың 10 қараша күні «Үлбі» мүгедек балаларды оңалту орталығында мемлекетіміздің «Рухани жаңғыру» бағдарламасының аясында қайырымдылық шарасын өткізді. Студенттер алдын ала даярлап қойған сыйлықтарын сыйлап, қызықты ойындармен балаларға көңілді күн ұйымдастыра білді.
«Компьютерлік графика» пәні бойынша тәжірибелік сабақтар
7 қарашада 2017 жылы «Бастауыш білім беру» мамандығы студенттер үшін А. С. Пушкин атындағы облыстық кітапханасының шығармашылық шеберханасында «Компьютерлік графика» пәні бойынша тәжірибелік сабақтар өткізілді. Болашақ информатика мұғалімдері MakerSpace базасындағы PhotoShop бағдарламасы мен Delphi ортасында бағдарламалаумен танысып, жұмыс жасауды үйренді.
Борис Щербаковтың «Жидебайдың жұлдызды даласы» кітабының тұсаукесері
2017 жылы 3 қараша күні А.С. Пушкин атындағы кітапханада «Жидебайдың жұлдызды даласы» – «Звёздная степь Жидебая» атты кітабының презентациясы өтті. Кітабындағы Жидебай елі мен жерінің қасиетін, тарихын, Қазақстанды бүкіл әлемге танытқан әйгілі адамдары туралы ҚАЕУ колледжінің «Негізгі орта білім беру» мамандығының студенттеріне автор өзі жеткізе алды. Жидебайдың көрікті табиғаты, ұлы ақын туып-өскен мекеннің киелі орындары ерекше суреттелген. Кітаптың әр бөлімі Жидебай туралы қызықты мағлұматтар беріп, оқырманды осы қасиетті мекенге жақындата түседі.
Студенттер қатарына қабылдау
2017 жылдың қараша айының 3-інші жұлдызында ҚАЕУ колледжінің акт залында бірінші курс білім алушыларын студенттер қатарына қабылдау шарасы өтті. Колледж әкімшілігінің мүшелері құттықтау сөз сөйледі. Концерттік бағдарлама барысында студенттік өмірдің қызықты да, ащы сәттерін колледж студенттер кеңесі мүшелері көңілді әзілмен көрсетті.
Талапкерлер үшін өткізілген ашық есік күні
3.10.2017 жылы ҚАЕУ колледжінде КММ «№ 3 Жаңа-Бұхтарма орта мектебінің» оқушыларына «Ашық есік» күні өтті. Болашақ талапкерлерге бәсекеге қабілетті мамандық иесі болудағы, оған қол жеткізу үшін оқу орынды дұрыс таңдау аса маңызды екенін ескере отырып, жеткілікті ақпарат беру мақсатында мектеп оқушыларына арналған шара өткізілді. Шара барысында ҚАЕУ колледжінің қазіргі таңдағы сұраныстармен талаптарға сай барлық қажеттіліктермен қамтамасыз етілгендігі жөнінде деректі фильм көрсетіле отырып, білім алушыларға жан-жақты мәліметтер берілді. Сондай-ақ колледждің өзін өзі басқару комитетінің ұйымдастыруымен колледждің өнерлі, талантты студенттерінің концерттік бағдарламасы ұсынылды.
Арнайы пәндер бойынша тәжірибелік сабақтар
2017 жылы қарашаның 2-сінде А.С. Пушкин атындағы облыстық кітапханасының шығармашылық шеберханасында ҚАЕУ колледжінің «Ақпараттық жүйелер» мамандығының студенттеріне «Операциялық жүйелер», «Алгоритмдеу және бағдарламалау негіздері» пәндері бойынша тәжірибелік сабақтар өтті. Кітапхананың IT-бағдарламашылары Delphi ортасында Рhotoshop, Рhotoshop 3D modeling қолданба, жаңа тәсілдерді құру және әзірлеу-графикалық материалдармен әзірлеу және құру құрал-саймандармен бөлісті.
Әлеуметтік серіктестермен кездесу
2017 жылы 31-қазан күні Қазақстан-Американдық еркін университеті колледжінің «Қаржы» мамандығының білім алушылары «1С-Рейтинг» компаниясының өкілдерімен кездесті. Компания менеджері біздің студенттердің барлық сурақтарына жауап бере отырып, аталған компанияда жұмысқа орналасу мақсатында іс-тәжірибеден өтуге болатын мүмкіндіктер жайында сөз қозғады.
«XX ғ. 30-40 жылдарында Қазақстанда латын қарпінде жарық көрген басылымдардан» ретро-көрме
2017 жылы 26 қазан күні «Негізгі орта білім беру» мамандығының студенттері А.С. Пушкин атындағы кітапханада Семей қаласындағы Абай атындағы кітапхананың сирек қорында сақталған өткен ғасырда латын қарпінде басылып шыққан газет-журналдар көрмесіне барып қайтты. Көрмеде латын қарпіндегі Абайдың «Қара сөздері», С. Мұқанов, Б. Майлин, С. Сейфуллин, Ж. Жабаев, Н. Гогольдің шығармалары, «Лениншіл жас», «Екпінді Алтай», «Түрксіб» газеттері, «Әдебиет майданы», «Комсомол пропагандисі» журналдары, сондай-ақ, татар тіліндегі кітаптар ұсынылған. Абай атындағы кітапхананың мамандары көрмеде ұсынылған әдебиеттерге шолу жасап, бөлісті. Болашақ мұғалімдер кітаптардың тарихы, олардың қолданылуы және сақталуы туралы пайдалы ақпараттармен таныс болды.
